‘व्यावसायीकहरूको एकता, नेपाल र नेपालीहरूको सफलता’ भन्ने नारासाथ आउँदो मे २७ तारिख आईतबार नेपाल-कोरिया व्यापार संघले गर्न लागिएको एभरेस्ट सांस्कृतिक साँझका लागि नायिका सुषमा कार्की , विल्सन विक्रम राई, ‘तक्मेबूढा’, नायक तथा पप गायक बाबु बोगटी गायक प्रजापति पराजुली र लोक गायिका कृष्णकुमारी गुरुङ लगायतका कलाकार आउने भएका छन । सोल सङबुकमा रहेको महिला सामुदायिक हलमा हुने कार्यक्रममा दर्शक हरुले नायिका सुषमा कार्कीको ‘लूट’ फिल्मको चर्चित गीत ‘उध्रेको चोली छ है’ गीतका साथै अन्य गीतहरुमा आकर्शक नृत्य हेर्न पाउने छन । दर्शकलाई पूर्ण मनोरञ्जन प्रदान गर्न आधुनिक, पपदेखि नेपाली लोक दोहोरीसम्म सबै विधाका कलाकारलाई समेट्न खोजिएको उक्त कार्यक्रम बाट भएको मुनाफा कोरियामा पीडित नेपालीको सहयोगमा जाने बताइएको छ ।
