काठमाडौं–गीतकार डम्बर यक्सोको शब्द रचना रहेको ‘नछोड बिन्ती साथ मेरो’ बोलको गीत म्युजिक भिडियोसहित सार्वजनिक भएको छ । गीतको भिडियो युट्युब च्यानल ‘सेवा इन्टरटेन्मेन्ट’ मार्फत् सार्वजनिक गरिएको हो ।
संगीतकार शान्तिराम राईको संगीत तथा गायक अशोक मुकारुङ र गायिका मेलिना राईको स्वर रहेको गीतको भिडियोमा गायक अशोक मुकारुङ र रमिला मोक्तानको अभिनय रहेको छ ।
भिडियोमा जयन्द्र कुँवरको छायांकन, ल्यासेस स्टुडियोको सृङ्गार, देव राईको नृत्य निर्देशन र जीवन मुकारुङको निर्देशन तथा सम्पादन रहेको छ ।
राजु कार्कीको एरेञ्ज रहेको गीतको रेकर्डिङ सेवा रेकर्डिङ स्टुडियोमा रेकर्डडिस योगेन मुकारुङले रेकर्ड र मिक्सिङ गर्नुभएंको हो ।
गीतकार डम्बर यक्सो पूर्व ब्रिटिस आर्मी हुनुहुन्छ । ब्रिटिस सरकारले दिएका सम्पूर्ण सुबिधाहरु त्यागेर आफ्नै देश, आफ्नै माटो र समाजका लागि केही गर्न सकिन्छ भन्ने अठोटसहित विभिन्न सामाजिक संघसंस्थामा आवद्ध भएर समाज सेवामा समेत लागेका यक्सोका थुप्रै गीत, कविता तथा लेखहरू फुटकरप्मा प्रकाशित छन् ।
भिडियोसहित :
