नमोबुद्ध संवाददाता
काठमाडौं–बेलायतको लन्डन कत्तिको सपनाको शहर हुनसक्छ, यसबारे कत्तिले कविता त कत्तिले गीत गाए । कत्तिले यसलाई विलासिता,रमरमाईलो र रहरसँग मात्रै जोड्छन् तर यसको ईतिहास,सुन्दरताभित्रको प्रगती गाथा भिन्न छ ।
यिनै सन्दर्भमा लोकप्रिय गायक राजेशपायल राई र गायिका लीला राईको युगल स्वरमा यो लन्डन शहर सुन्न र हेर्न मिल्ने भएको छ ।
‘लन्डन शहर हो लन्डन शहर, तिमीसँगै घुम्न जान लाग्यो शहर’ बोलको गीत भिडियोसहित सार्वजनिक भएको हो । हालै स्टुडियो किङको युटुब च्यानलबाट सार्वजनिक भएको गीत ढुण्डिराज सुच्चा राई ‘कटुञ्जे माइला’को रचना हो ।
मनोज साङसोन राईको संगीत तथा संगीत संयोजनमा रेकर्डेड गीतमा बेलायतको प्रसिद्ध शहर लन्डनको महिमा बयान गरिएको छ । भिडियोमा लन्डन शहरको मनमोहक दृश्य कैद गरिएको छ ।
