ग्वाटेमालामा ज्वालामुखी विस्फोट हुंदा २५ को मृत्यु,राष्ट्रपतिद्धारा संकटकाल घोषणा

नमोबुद्ध संवाददाता,,

२१ जेठ :
मध्य अमेरिकी देश ग्वाटेमालामा ज्वालामुखी विस्फोट हुदा २५ जनाको ज्यान गएको छ ।

विस्फोटका कारण १ सय भन्दा बढि घाईते भएका छन् ।

विस्फोटपछि धेरै जना हराइरहेको अन्तराष्ट्रिय सञ्चार माध्यमहरुले उल्लेख गरेका छन् ।

ग्वाटेमाला शहरबाट करिब ४० किलोमिटर टाढा दक्षिण–पश्चिममा ज्वालामुखी विस्फोट भएको हो ।

ज्वालामुखीबाट निस्किएको खरानी टाढाटाढासम्म जनजीवन प्रभावित भएको छ । विमानस्थल समेत बन्द भएको छ ।

राष्ट्रपति जेम्मी मोरालेसले राष्ट्रिय संकटकाल घोषणा गर्दै प्रभावितहरुलाई तत्काल उद्दार गर्न निर्देशन दिनुभएको छ ।