काठमाडौँ । सञ्चार तथा सूचना प्रविधिमन्त्री पृथ्वीसुब्बा गुरुङले संविधान संशोधनको कुरामा कुनै तलमाथि नहुने बताएका छन् ।
मन्त्रिपरिषद्को बैठकका निर्णय सार्वजनिक गर्न शुक्रबार आयोजित पत्रकार सम्मेलनमा मन्त्री गुरुङले काम गर्न बाधा पुगाइरहेका ११ वटा कानूनहरू संशोधनमा ल्याउने भनेर कानूनविद्हरू रहेको कार्यदल बनाएको भन्दै संविधान संशोधन हुने बताएका हुन् ।
उनले नीतिगत रूपले संविधान संशोधनको विपक्षमा नभएको भन्दै त्यसका लागि कार्यदल बनाएर अगाडि बढेको बताए ।
केन्द्रीय कमिटी बैठक समापनका क्रममा प्रधानमन्त्री केपी शर्मा ओलीले संविधान संशोधन २०८७ मा हुने बताएका थिए ।
