काठमाडौं । नेकपा एमालेका नेता गोकुल बास्कोटाले पार्टी छाडेर गएपछि सराप्ने संस्कार राम्रो नभएको बताएका छन् ।
पूर्वप्रहरी प्रमुख सर्वेन्द्र खनालले एमाले परित्याग गरेको घोषणा गरेपछि बास्कोटाले खाएको थालमा चुठ्नु राम्रो नभएको र झन् गएपछि सराप्ने संस्कार वाहियात नै भएको बताएका हुन् ।
बास्कोटाले समाजिक संजालमा लेखेका छन्, ‘मान्छेको वास्तविक परीक्षण सजिलो, स्वार्थपूर्ति र पदीय महत्वकांक्षामा होइन, संकट, त्याग र सङ्घर्षको समयमा हुन्छ । आफ्नै लागि आउनेहरु आए सकेजति लाभ लिए र गए । हाईट र लाईट एमालेकै टोपी, धोती अनि गुन्यु चोली लगाएर बढाए । खाएको थालमा चुठ्नु राम्रो होइन,झन् गएपछि सराप्ने संस्कार वाहियात नै हो।’
