काठमाडौं–गायक रञ्जित लामाले नयाँ सांगीतिक कोसेली ‘खोली बगर’ बजारमा ल्याउनुभएको छ । सांगीतिक यात्रा थालेको १ दशक पुगेको अवसरमा उहाँले ओएसआर डिजिटलको अफिसियल युटुब च्यानलमार्फत यो गीत सार्वजनिक गर्नुभएको हो । गीतलाई एचबी सुनारले रचना र संगीत गर्नुभएको हो भने साहस शाक्यले संगीत
संयोजन गर्नुभएको हो ।
गायक रन्जित लामाको स्वर रहेको उक्त गीतमा फिमेल भोकलमा मन्जु उपाशना बिकको साथ छ । प्रेम लामाले छायांकन गर्नुभएको भिडियोमा गायक लामा आफैंले अभिनय गर्नुभएको छ । यो गीतमार्फत पहिलो पटक भिडियोमा देखिएका लामालाई मोडल स्मारिका ढकालको साथ देखिन्छ ।
देवराज गुरुङको कोरियोग्राफी रहेको भिडियोलाई टेकेन्द्र शाहले कलर र सम्पादन गर्नुभएको हो । गायक लामाले यसअघि गीतहरुमध्ये ‘डाडापारी’,‘आउन माया आउ’,
‘मुसुक्क नेमा’, ‘हुलाकी दाई’, ‘हुक्का’,‘भुल भए माफ गर’, ‘मार्फाको स्याउ’, ‘हलक्क मैच्याङ’, ‘बुट्टे रुमाल’, म्हेन्दोमाया गीत ‘टुना युनाले’ लगायत थुप्रै गीत बजार ल्याईसक्नुभएको छ ।
भिडियोमा ‘खोली बगर’ हेर्नुहोस् :
