भिडियोमा ‘शेर्पिनी आजि’

नमोबुद्ध संवाददाता,

काठमाडौं–गायक एंव संगीतकार रमित लामाको ‘शेर्पिनी आजि’ गीत हालै भिडियोसहित डम्फु मिडियाको अफिसियल युटुब च्यानलबाट सार्वजनिक गरिएको छ ।

अमिर दोङको निर्देशन रहेको भिडियोमा सागर मोक्तान र रोहनी लामालाई फिचरांकन गरिएको छ । यो सेलो गीतमा शेर्पिनी आजिले च्याङ्बालाई मोहनि लगाएको कथा बर्णन गरिएको छ ।

भिडियोलाई सुर्य लामाले छायांकन गर्नुभएको हो भने युद्ध लामाको कोरियोग्राफी र सम्पादनमा तयार पारिएको हो ।
छवी लामा र मनोज दोङको संयुक्त रचना यो गीतमा तीनै रमितको स्वर र संगीत सुन्न सकिन्छ । नोर्बु शेर्पाले संगीत संयोजन गरेको गीतलाई दिपेश प्रधानले मिक्सिङ गर्नुभएको हो ।

यो गीतले दर्शक र स्रोताको मन जित्नेमा विश्वस्त रहेको गायक तथा संगीतकार रमितले बताउनुभयो । उहाँको यसअघि ‘डाँडा है पारी’ बोलको गीतले चर्चा बटुलको थियो ।