-
नमोबुद्ध संवाददाता
काठमाडौं–लकडाउनकैबिच तामाङ म्युजिक भिडियो ‘खाल्से ब्रिबा मुग्याम माया’ सार्वजानिक भएको छ । जयन कुमार मोक्तान निर्देशित गीतको भिडियो हालै टिएफ युट्युव च्यानलमार्फत सार्वजनिक भएको हो ।
‘तिङला श्हेर’ नामक एल्बममा समावेश यो गीत दर्शकको अपार मायाको अपेक्षासाथ भिडियामा ल्याईएको निर्माण टोलीले जनायो । रामजी घलानको शब्द र अमृत लामाको संगीत रहेको गीतमा निर्मला घिसिङले सुमधुर आवाज भर्नुभएको छ ।
गीतमा सुरेन्द्र तामाङ,सुस्मिता तामाङ, धुर्व सिं तामाङ,अस्मिता तामाङ,सम्झना तामाङ लगायतको अभिनय छ । गीतमा फोटोग्राफर युवाको कथालाई समेटेको निर्देशक मोक्तानले बताउनुभयो । निर्देशक मोक्तानका अनुसार मोडलिङ क्षेत्रकी युवतीसँग प्रेममा परेका फोटोग्राफर युवाले अन्तमा आफ्नै श्रीमतीलाई आँखा दान गरेर देह त्याग गरेको कथालाई मन छुने गरेर समेटिएको छ ।
यो भिडियो नोवल कारोना महामारीकाबिच लकडाउनकै समय छायांकन गरिएको हो । सम्भावित जोखिमलाई मध्यनजगर गर्दै सचेतताका साथ भौतिक दुरी कायम गरी भिडियो छायांकन तथा निर्माण गरी सार्वजनिक गर्न समेत सफल भएको निर्देशक मोक्तानले जानकारी दिनुभयो ।
