-
नमोबुद्ध संवाददाता
काठमाडौ–मोरङको बेलबारी नगरपालिकाका उपमेयर रहनुभएका कवि तथा गीतकार तारा पराजुलीद्वारा रचित प्रेमपरक गीत ‘साहारा हौ मेरो दिलमा घर गरेको मान्छे तिमी, सत्य हजुर हजारौँमा मन परेको मान्छे तिमी’ बोलको गीतलाई भिडियोमा ल्याईकाएको छ ।
‘अर्को राजमार्ग’ कविताकृतिका सर्जक गीतकार पराजुलीको गीति–रचनामा सङ्गीतकार भीम बिसीद्वारा सङ्गीतबद्ध गीतको भिडियो ओएसआर डिजिटलको युटुब च्यानलमार्फत् हालै सार्वजनिक भएको हो ।
सुन्दर लोकेशनमा छायाङ्कन गरिएको गीतको भिडियो दीपक एम सिंहले निर्देशन गर्नुभएको हो । दीपक गिरीले छायाङ्कन गर्नुभएको भिडियोको सम्पादन अमृत चापागाईंले गर्नुभएको छ ।
पुष्कर सुनुवारको सङ्गीत संयोजनमा भीम बिसी र गायिका सरु गौतमको सुमधुर स्वर रहेको गीतको भिडियोमा दिनेश कठायत ‘काजी’ र रजिना बिष्टको अभिनय रहेको छ ।
