- नमोबुद्ध संवाददाता
काठमाडौं–नयाँ वर्षको शुभारम्भसँगै गायक प्रदीप लकान्द्रीले आफ्नो पछिल्लो साङ्गीतिक कोसेली ‘जाऊँ साथी फर्केर आफ्नै घरदेश’ बोलको गीत सार्वजनिक गर्नुभएको छ ।
भिडियोमा समेत खिचिएको यो गीत सिमिकलुङ दर्पण प्रालिको युट्युब च्यानलमार्फत् हालै सार्वजनिक गरिएको उहाँले स्पष्ट पार्नुभयो ।
स्वदेश प्रेमभावमा आधारित गीत लकान्द्रीको आफ्नै शब्द, सङ्गीत र स्वरमा तयार भएको हो ।
गीतमार्फत गाउँघर,तिनै परिवेश,आमाबुबा,आफन्तजनको सम्झना र भविष्य सम्झाइएको छ । यसबाट प्रवासमा रहेका नेपाली युवालाई आफ्नै देश निर्माणमा अभिप्रेरित गरेको छ ।
कृष्णभक्त राईको सङ्गीत संयोजन र मुस्कान मुकारुङको रेकर्ड तथा मिक्सिङ रहेको गीत सेवा रेकर्डिङ स्टुडियोमा रेकर्ड भएको हो ।
भिडियोलाई जीवन मुकारुङले सम्पादन गर्नुभएको हो ।
