नमोबुद्ध संवाददाता :
बनेपा–नेपाली काँग्रेसका बरिष्ठ नेता रामचन्द्र पौडेलले वर्तमान सरकार गतिहिन देखिएको आरोप लगाउनुभएको छ । कुनै वाधा अड्चन नभएपनि सरकारले केहि गर्न नसकेको उहाँको भनाई छ । मंगलबार काभ्रेको बनेपामा रेडियो अरनिकोको औपचारिक उद्घाटन गर्नुुहुदै उहाँले भन्नुभयो–“ओली सरकार कुहिरोमा हराएको काग जस्तै भएको छ ।”
अनेक अनियमितताहरु ढाकछोप गर्ने,मिडियालाई दुःख दिने काममा मात्रै सरकार देखिएको उहाँको आक्षेप थियो । कसैले पनि लोकतन्त्रको अपहरण गर्न नसक्ने धारणा राख्दै उहाँले समृद्ध नेपाल निर्माणमा सञ्चार सहभागिताको आवश्यकतामा जोड दिनुभयो । मिडियाले लोतन्त्रको रक्षामा मुख्य भुमिका खेल्ने उहाँको तर्क छ ।
नेपाल प्राकृतिक रुपमा संसारमै उत्कृष्ट रहेको दाबी गर्दै उहाँले भन्नुभयो–“कस्तुरी मृगले विनाको वास्ना खाजेझैं हामी दौडीरह्यौं तर हामीलाई चिन्न सकेनौं,वास्तवमा हामीसँगै अथाह स्रोतसाधन छ,यसैलाई पहिचान गर्न मिडिया एक कदम अगाडि उभिनैपर्छ ।”
भिडियो हेर्नुहोला
