- नमोबुद्ध संवाददाता
धुलिखेल–निर्माण व्यवसायी संघ काभ्रेमा उपेन्द्र घिसिङको नेतृत्व आएको छ । भदौ २२ र २३ गते सम्पन्न संघको ९ औं साधारणसभा र छैटौं अघिबेशनले घिसिङलाई अध्यक्षमा र बरष्ठ उपाध्यक्षमा विजय लामालाई निर्वाचित गरेको हो ।
प्रथम उपाध्यक्षमा लनम दोङ, द्धितिय उपाध्यक्षमा अनिस बल, महासचिवमा चेतप्रसाद गौतम, सचिवमा अमित लामा, कोषाध्यक्षमा सुवास श्रेष्ठ चयन हुनुभएको छ ।
त्यस्तै सदस्यहरुमा विदुर केसी, कृष्ण लामा ङेमा सि लामा, डिएस लामा, सुजन लामा, सुवर्ण लामा, प्रेमबहादुर लामा, उमेश तौजले, झलक लामा, अरुणकुमार गौतम ,हिराकुमार बल, पशुपतिबहादुर पन्त, विक्रम चौलागाई, रोशन तिमल्सीना र प्रदिप गौतम रहेका छन ।
अध्यक्षको जिम्मेवारी पाउनुभएका अध्यक्ष घिसिङले निर्माण व्यवसायीहरु ‘सुखी नेपाली र समृद्ध नेपाल’ निर्माण गर्ने सरकारको महाअभियानका अभिन्न अंगको रुपमा अघि बढ्ने बताउनुभयो । यसका साथै निर्माण व्यवसायीहरुको अधिकारको लागि आफ्नो नेर्तत्व नचुक्ने प्रतिवद्धता समेत जनाउनुभयो ।
