नमोबुद्ध संवाददाता,,

मादनकुडारी,१६ जेठ :
काभ्रेको चौंरी देउराली गाउँपालिका ७ मादनकुडारीका समाजसेवी बुद्ध लामाको १३ औं दिनको पुण्य तिथीमा बौद्ध धर्म परम्पराअनुसार घेवा संस्कार गरिएको छ ।

नेपाली काँग्रेस पूर्व ईकाई सभापति तथा टासी छ्योअीफ्रेल बाबु लामा गुम्बा तथा सग्रहालयका सदस्य रहनुभएका लामाको यहि जेठ ३ गते ५२ वर्षको अल्पायुमै निधन भएको थियो ।

 

लामा गुरु योल्मो कानइङ सेडुपलिङ गोन्पा सिन्धुपाल्चोकका प्रमुख लामा निमा योल्मोपाको प्रमुख आतिथ्यतामा गरिएको घेवामा मादनकुडारीका २,रामेछापका ३ र योल्मो लामाहरुको २ वटा गरी ७ वटा गुम्बाका लामाहरु उपस्थित भए ।

निमा योल्मोपा,लोपेन ङ्हावाङ दोर्जे योल्मोपा,लामा नाना योल्मोपा,लामा काल्साङ योल्मोपा रामेछाप,लामा घ्याम्सो योल्मोपा,लामा उर्गेन छ्योअीफ्रेल योल्मोपा,लामा पेमा दोन्डुप,लामा धमेका साथै स्थानिय लामाहरुले घेवा कार्य सम्पन्न गराएका हुन् ।


दिवंगत आत्माको चीर शान्तिको कामना गर्दै १३ औं दिनको पुण्य तिथीमा बौद्ध धर्म परम्परा अनुसार टासी दार्गेलिङ गुम्बा र टासी छ्योअीफ्रेल बाबु लामा गुम्बा तथा सङ्ग्रहालय घ्याङडाँडामा यो सोमबार र मंगलबार गरिएको घेवा कार्यक्रममा म्हानी मोलम गर्न तथा वाङ लिन संयौं आफन्तजनका साथै राजनीतिज्ञ,पुर्व सभासद,सांसदहरु पनि उपस्थित भए ।


घेवामा सहभागि प्रतिनिधिसभा सदस्य नविना लामा,पुर्व सभासद तिर्थ लामा,नेपाली काँग्रेसका पुर्व जिल्ला सभापति शिवप्रसाद हुमागाई,जिल्ला सचिव दिनेश लामाका साथै काँग्रेसको भातृ संगठन नेपाल विद्यार्थी संघका विद्यासागर लामा लगायतले श्रद्धासुमन व्यक्त गर्दै समाजसेवी वुद्ध लामाको व्यक्तित्वको प्रशंसा गरे ।

उनिहरुले गाउँ विकासमा लागि उहाँको योगदान अतुलनिय रहेको स्मरण गरे । कोशीपारीको विकासका लागि हिजोका दिनमा उहाँले खेलेको भुमिका सम्झीदै यसरी स्थानियदेखी राजनीतिक नेतासम्म घेवा कार्यमा सरिक भएका हुन् ।


गाउँ ठाउँको परिवर्तनमा निकै सकारात्मक भई लाग्ने बुद्ध लामा मिलनसार,मिहेनती र दयालु स्वभावको रहेको टासी छ्योअीफ्रेल बाबु लामा गुम्बा तथा सग्रहालयका सल्लाहकार एवम् स्थानिय शिक्षक ज्ञान वहादुर लामा बताउनुहुन्छ ।


सादा जीवन उच्च विचारका समाजसेवी एवम् राजनीति कर्मी बुद्ध लामाको जन्म वि.स.२०२५ सालमा तत्कालिन मादनकुडारी ०३ गोगनपानी भन्ने ठाउँमा बुबा छेवाङ नाम्गेल लामा र आमा दामोरानी तामाङको कोखबाट जेठो सन्तानको रुपमा भएको थियो ।
फोटो सौजन्य : ज्ञान वहादुर लामा

प्रतिक्रिया दिनुहोस !