काठमाडौं–नेपाल टेलिभिजन लगायतका च्यानलहरुबाट ‘भाग्य लक्ष्मी’को प्रसारण सुरु भएको छ । रंगकर्मी किशोर अनुरागको निर्देशनमा बनेको टेलिचलचित्र हरेक बिहिवार बेलुका ७ बजे नेपाल टेलिभिजन र ७ः३० बजे मि, टिभी साथै ८ः०० बजे युट्युव च्यानल एभरेष्ट डिजिटलबाट प्रशारण थालिएको हो ।
पारिवारिक तथा सामाजिक बिषय बस्तुमा केन्द्रित रहेर लेखिएको यो शृंखला २२ चैतबाट प्रशारण सुरु भएको निर्देशक अनुरागले जानकारी दिनुभयो ।
टेलिचलचित्रमा राम बाबू रेग्मी , अस्मिता बस्नेत , सन्तोष सिवाकोटी , ईच्छा सिंह, श्रीकृष्ण थापा, लक्ष्मण पौडेल , सन्तोष थापा, सुमन बिष्ट , नबराज पनेरू, सिर्जना भूजेल, लगायतका कलाकारको अभिनय छ ।
इच्छा सिंहको मुख्य सहायक निर्देशन रहेको यो टेलिशृंखलामा मदन कस्यप घिमिरे छायांकन तथा क्यामारुन मियाँको सम्पादन रहेको छ । शशीविक्रम थापाको शीर्ष गीत रहेको ‘भाग्य लक्ष्मी ’मा निदेश अधिकारी निर्माता हुनुहुन्छ ।
निर्देशक अनुरागको अर्काे टिलिचलचित्र ‘खहरेघाट’ सोही नेपाल टेलिभिजनमै शनिवार राती ९ः३० बजे प्रसारण हुदै आएको छ ।
