नेकपा एकीकृत समाजबादीका जिल्ला सदस्यद्वय सारु र राना, जिल्ला सल्लाहकार,पालिका सचिब गङ्गाराम र रोशी ९ को सम्पूर्ण वडा कमिटि नै एमालेमा
काभ्रे–नेकपा माओवादी केन्द्र रोशीका अध्यक्ष तथा जिल्ला कमिटी सचिवालय सदस्य डिल्लीप्रसाद रेग्मीको नेतृत्वमा संयौ माओवादी कार्यकर्ता र नेकपा एसको दुई जिल्ला सदस्य तथा सिङ्गो वडा कमिटी नै आइतबार नेकपा एमालेमा प्रवेश गरेका छन् ।
नेकपा एकीकृत समाजबादीका जिल्ला सदस्यद्वय चोत्र बहादुर सारु र मेघबहादुर राना, पालिका सचिब एवं शिक्षक संगठन जिल्ला उपाध्यक्ष गङ्गाराम राना तथा समाजवादीको रोशी ९ को सम्पूर्ण वडा कमिटि नै एमालेमा प्रवेश गरेका हुन् ।
नव प्रवेशीहरुलाई एमाले पोलिटव्यूरो सदस्य एवं पुर्व मन्त्री गोकुल बास्कोटाले स्वागत गर्नुभयो ।
एमालेमा प्रवेश गरेपछि रेग्मीले रोशीमा अब माओवादी नरहने ठोक्कुवा गर्नुभयो । माओवादीले बाटो विराएको र गुटमा मात्रै रमाएर बस्ने गरेको आरोप लगाउँदै आउने स्थानीय चुनावमा जेरो हुने दावी गर्नुभयो ।
मुलुकको विकासको नेतृत्व एमालेले गर्न सक्ने भएकोले एमालेको आस्था र विचारमा आफू समाहित भएको नव प्रवेशीहरुको भनाई छ । 
नेकपा एमाले रोशी गाउँ कमिटिका अध्यक्ष देवसागर लामाले समृद्ध नेपाल,सुखी नेपाली राष्ट्रिय आकांक्षलाई पुरा गर्न एमाले मात्रै सक्षम रहेको दावी गर्नुभयो । उहाँले यस अभियानमा लामबद्ध हुने क्रममा एमालेको आस्थााको झण्डामुनि गोलवद्ध हुने सबैलाई बधाई ज्ञापन गर्नुभयो ।
कार्यक्रममा नेकपा एमालेका केन्द्रिय सदस्य रेशम लामा,नेकपा एमाले काभ्रेका उपाध्यक्ष तथा पूर्व मन्त्री चन्द्र लामा,उपसचिव रिता ढकाल,अनेरास्ववियूका संघीय महासचिव समिप बडाल लगायतका नेताहरुको उपस्थिति रहेको थियो ।
