- नमोबुद्ध संवाददाता,
काठमाडौँ-गायिका तायाहाङमा राईको पछिल्लो गीत ‘हिमाली शिरमा’ गीत म्युजिक भिडियोसहित सार्वजनिक भएको छ । नेपाली गायनका क्षेत्रमा डेढ दशकदेखि निरन्तर लागिपरेकी राईको यो गीत बिहीबार आदिम आवाज अनलाइन टिभीको अफिसियल च्यानलबाट भिडियोसहित सार्वजनिक भएको हो ।
गीतकार टीका चाम्लिङको शब्द रचना र विकास चौधरीको सङ्गीत रहेको उक्त गीतको छायाङ्कन सुन्दर नगरी पोखरा र धम्पुस क्षेत्रका रमणीय स्थान गरिएकाले दर्शकलसई ति दृश्यहरुले पनि लोभ्याउँनेछन् ।
नायिका मिरूना मगरको अभिनय रहेको म्युजिक भिडियोलाई गीतकार चन्द्र लामा ‘अनुराग’ले निर्माण गर्नुभएको हो । भिडियोमा उहाँले अभिनयसमेत गनुभएको छ । वरिष्ठ छायाँकार शिव ढकालले म्युजिक भिडियो खिनुभएको हो ।
युवा नृत्य निर्देशक सुमित गुरूङको कोरियोग्राफी रहेको उक्त म्युजिक भिडियोको सम्पादन तारा थापा ‘किम्भे’को हो भने प्रसिद्ध नृत्य निर्देशक कमल राईको निर्देशनमा म्युजिक भिडियो तयार भएको हो ।
गीत र गीतअनुसारको भिडियो हरेक पक्षबाट अब्बल बनेकाले स्रोता दर्शकको मन जित्ने निर्माण पक्षको दाबी छ ।
हेर्नुहोस् भिडियो
