-
नमोबुद्ध संवाददाता,
धुलिखेल–पछिल्लो समय आन्तरिक पर्यटकहरुको रोजाई बनेको काभ्रे रोशीको तिनधारे झरनाको लोभ लाग्दो दृश्यहरु अब म्युजिक भिडियोमा कैद भएको छ ।
यहाँको पर्यटन प्रवद्र्धनमा सहयोग पुग्ने अपेक्षासहित ‘मायाला जोङ’ तामाङ आधुनिक गीतको भिडियोमा तिनधारे झरनाका मनमोहन दृश्यहरु समेटिएको हो ।
यो भिडियो बिहिबार जिग्मे मिडियाको युट्युब मार्फत सार्वजनिक भएको छ । युवा गायक एवं संगीतकार विशाल काल्तानको संगीतमा स्वयं काल्तान र गायीका जितु लोप्चनको सुमधुर स्वर भरिएको गीत सिंग मोक्तानको शब्द रचना हो । संगीत संयोजन अनि मिक्सिङ दिपेश प्रधानको हो ।
भिडियोमा हिरा लामाको डेव्यु काम हो भने उहाँलाई मोडल कुसुम मगरको अभिनयसाथ छ । अनिश लामोको निर्देशन र कोरियोग्राफीमा तयार पारिएको भिडियोको छायांकन मुकेश हुमागाई,सम्पादन दिपक बिष्ट,ड्रोन छायांकन कलाप्रमोद श्रेष्ठको रहेको छ ।
