-
नमोबुद्ध संवाददाता,
भोजपुर-भारी बर्षाका कारण पहिरो गई अबरुद्ध हुन गएको ग्रामीण कृषिसडकको अवरोध हटाइएपछि सडक सुचारु भएको छ ।
समाजसेवी भक्त राईको सहयोगमा अरुण गाउँपालिका–७, खाल्ले, भञ्ज्याङको आइतबारे खोला नजिक अबरुद्ध सडक डोजर लगाएर हटाइएको स्थानिय तिलक थापाले जनाउनुभयो ।
“साउनमा परेको अविरल बर्षाका कारण आइतबारे खोला छेउको भीरमा पहिरो गई ७ र ५ नम्बर वडा जोड्ने सडक अबरुद्ध भएको थियो ।
बजेट अभावका कारण वडा र पालिकाबाट समेत उक्त सडकको मर्मत हुन सकेको थिएन तर समाजसेवी भक्त राईको सहयोगमा शनिबारदेखि अवरोध हटेर सडक सुचारु भएको छ ।” स्थानीय बुद्धिजीवी डिल्ली राईले भन्नुभयो ।
सडकको अवरोध हटेसँगै गाउँघरमा अति आवश्यक सामान ढुवानी सहज भएको स्थानीय सामाजिक अभियन्ता कुमार थापाले बताउनुभयो।
