-
नमोबुद्ध संवाददाता,
धुलिखेल–मोडल लाक्पा लामा र विनु शाक्य अभिनित ‘माया बस्यो ख्यालै ख्यालैमा…..’ म्युजिक भिडियो हालै सार्वजनिक भएको छ ।
हाँस्दैमा मैच्याङ सुटुक्क,नता सम्सि धोला माया, तेमाल ग्याम्से लगायत चर्चित गीतहरुको अपार सफलतापछि चर्चित पप गायक तथा संगीतकार अविसेक लामाको “माया बस्यो ख्यालै ख्यालैमा” यि मोडलहरुले आ–आफ्ना अभिनयकला पस्किनुभएको हो ।
पर्यटकिय दृष्टिले सुन्दर नगरकोटको विभिन्न स्थलहरुमा छायांकन गरिएको भिडियोमा ख्याल ख्यालैमा माया बसेको माया अझ मजबुत हुने देखाइएको छ ।
अबिसेकको संगीत संयोजन तथा आवाज रहेको गीत साङ्गे ब्लोन तामाङले शब्द रचना हो । प्रतीक ङ्यासुरले निर्देशन गर्नुभएको भिडियोलाई सुर्य लामाले छायांकन र इडिटिङ गर्नुभएको हो । भिडियो अबिसेकको आफ्नै युट्युब च्यानलमा हेर्न सकिन्छ ।
