नमोबुद्ध संवाददाता
धुलिखेल–हिन्दुनारीहरुको तीज पर्वको पूर्वसन्ध्यामा राम्रो सन्देश डट कमले यम कुमार मल्लको स्वरमा रहेको ‘यो ज्यान तिम्रै हो’ गीत हालै भिडियोसहित सार्वजनिक गरेको छ । राम्रो सन्देशको यूटुब च्यानलबाट सार्वजनिक गरिएको गीतको भिडियो बनेपामा छायांकन गरिएको गायक मल्लले बताउनुभयो ।
लेखन शैली हेर्दा तीज गीत जस्तो देखिएपनि यो कोरोना महामारीको बेला गीतले मनोरञ्जनसँगै निकै सन्देश प्रवाह गर्न खोजिएको स्पष्ट हुन्छ । गीतमा कारोना कहरमा पनि नमेटिएको मायाको रहर छ,यो महामारीले भौतिक रुपमा दुर गराएपनि अविचलित मनको पक्का वचन व्यक्त गरिएको छ । यो तीज मनाउने तयारीमा रहेका महिलाहरुलाई केहि उपहाररुपी कोसेलीनै हुनुपर्छ ‘यो ज्यान तिम्रै हो’ ।
गायक मल्ले भन्नुभयो–“यो अलि भिन्न रुपमा तयार गरिएको छ ।” हुन पनि लेखन शैली तीजकै हो,लयले पनि उस्तै भान दिलाउँछ तर यहाँ न महिला गायकी छ न महिलाहरुनै आफ्नो पहिरनमा झकीझकाउ भएर छम् छम् नाच्छन् ।
भिडियोमा गायक स्वयम् मल्ल, रबिन श्रेष्ठ, राजन कार्की, अमन श्रेष्ठ, सुरज योन्जन, सुरज लामा र सबिन श्रेष्ठको अभिनय छ । श्री थापा मगरको लय तथा शब्द रहेको गीतलाई अशोक रन्जितले छायांकन गर्नुभएको हो । जहाँ पुजा लामाको मेकअप छ ।
भिडियो सहित :
