नमोबुद्ध संवाददाता
काठमाडौं–नेपालका नोवल कोरोना संक्रमणका कारण अर्को एकको मृत्यु भएको छ । आइतबार बाँकेको नरिनापुरस्थित दीपेन्द्र मावि भोजभगवानपुरको क्वारेन्टाइनमा रहेका २५ वर्षीय पुरुषको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले पुष्टि गरेको छ ।
क्वारेन्टाइनमा बस्ने क्रममा स्वास प्रश्वासमा समस्या भएका उनको विहान ६ः४० बजे मृत्यु भएको हो । ति पुरुष वैशाख ३० गते भारतबाट नेपाल आएका थिए ।
यो सँगै नेपालमा कोरानाबाट मृत्यु हुनेहरूको संख्या दुई पुगेको छ । यसअघि गत शुक्रबार सिन्धुपाल्चोककी एक महिलाको ज्यान गएको थियो ।
