नमोबुद्ध संवाददाता
काठमाडौं– बाँके जिल्लाको नेपागन्जमा दिनप्रतिदिन कोरोना भाइरस संक्रमितको संख्या बढेको देखिएपछि मंगलबारदेखि तीन दिनका लागि कर्फ्यू जारी गरिएको छ । सोमबार दिउँसो जिल्ला प्रशासन कार्यालयमा बसेको सर्वदलीय र सर्वपक्षीय बैठकले मंगलबार बिहान ११ बजेदेखि वैशाख २५ गतेसम्म नेपालगञ्जलाई पूर्णतः निषेधित क्षेत्र घोषणा गरेको हो।
नेपालगन्जमा मात्रै आइतबार एकै दिन एकै चोटि १५ जना संक्रमित भेटिएका थिए । संक्रमणलाई रोक्न सरकारले यहाँ परीक्षणलाई पनि तीव्र बनाउने जनाएको छ ।पहिलो संक्रमित व्यक्तिसँग सम्पर्क भएका ९० जनाको स्वाब संकलन गरेर ६० जनाको परीक्षण गर्दा नेपालगञ्जको एउटै टोलका १५ जना व्यक्तिमा कोरोना पोजेटिभ देखिएको डा. गिरीले बताउनु भयो। मंगलबार पनि सो क्षेत्रमा थप ७ जनामा संक्रमण पुष्टि भएको छ ।
यसरी दिनहुँ संक्रमितको संख्या बढेपछि सोमबार जिल्ला सुरक्षा समिति र सरोकारवालाहरुको बैठकपछि निषेधाज्ञा जारी गरिएको हो । जिल्ला प्रशासनले यस्तो निर्याय गरेको हुन् ।
संक्रमित सबैलाई बाँकेको खजुरामा रहेको सुशील कोइराला क्यान्सर अस्पतालको आइसोलेसनमा राखिएको र अवस्था सामान्य रहेको उनले बताए ।
नेपालगन्जमा यसअघि तरकारी मण्डी लगायत पसलहरु फाट्टफुट्ट खुल्ने गरेका थिए । सोमबार भने स्थानीय सरकारले स्थानीयलाई निषेधाज्ञा पालना गर्न अपील गर्दै लिखित सूचना पनि जारी गरिसकेको छ ।
कर्फ्युको समयमा नेपालगन्जमा औषधि पसलबाहेक सबैखाले पसल, व्यवसाय खोल्न नपाइने प्रजिअ खड्काले बताएका छन्। बाँकेमा १६ जनामा कोरोना संक्रमण पुष्टि भएपछि प्रदेश ५ सरकारका सामाजिक विकास मन्त्री सुदर्शन बरालसहितको टोली सोमबार नेपालगञ्ज पुगेर कम्तीमा तीन दिन कर्फ्यु लगाउन जिल्ला प्रशासनलाई सुझाव दिएको थियो ।
जिल्ला प्रशासन कार्यालय बाँकेले जारी गरेको सूचना
