कोभिड–१९ संक्रमितको संख्या ६ पुग्यो

• नमोबुद्ध संवाददाता

धुलिखेल–नेपालमा कोरोना भाइरस (कोभिड–१९) संक्रमितको संख्या ६ पुगेको छ । स्वास्थ्य तथा जनसंख्या मन्त्रालयको नियमित पत्रकार सम्मेलन मार्फत मन्त्रालयका प्रवत्ता डा. विकास देवकोटाले नेपालमा छैटौ संक्रमित भेट्टिएको जानकारी दिनुभएको हो ।

प्रवत्ता देवकोटाले काठमाण्डौको टेकुस्थित राष्ट्रिय जनस्वास्थ्य प्रयोगशालामा गरिएको परीक्षण अनुसार छैटौँ व्यक्तिमा कोभिड-१९ पोजिटिभ देखिएको र संक्रमितको विस्तृत जानकारी आउन बाँकी रहेको बताउनु भयो ।

आज कोरोना संक्रमित पुष्टि भएको व्यक्ति चैत्र ४ गते कतारको दोहाबाट कतार एयरवेज विमान क्यूआर ६५२ बाट नेपाल आएको प्रवत्ता देवकोटाले जनाउनुु भयो ।