- राजाराम गौतम :
काठमाडौं–घोष्ट राईटिङ नेपालका अध्यक्ष कमल ढकाल रोटरी क्लब अफ मातृभुमि बालुवाटरको ‘मातृभूमि हिरो –२०१९’ बाट सम्मानित हुनुभएको छ ।
साहित्य तथा विभिन्न सामाजिक अभियानमार्फत समाजमा विशिष्ट योगदान पुर्याएको भन्दै क्लबले बिहिबार आफ्नो चौथो पदस्थापन कार्यक्रममा यूवा संचारकर्मी तथा लेखक ढकाललाई यो सम्मान प्रदान गरेको जनाएको छ । ढकाल गो–अहेड पुस्तकका लेखक हुनुहुन्छ ।
हरेक वर्ष समाजमा विशिष्ट योगदान पुर्याउने व्यक्तिलाई प्रदान गरिने गरी यो पुरस्कार यो वर्षबाट सुरु गरिएको रोटरी क्लब अफ मातृभुमि बालुवाटरको निवर्तमान अध्यक्ष विष्णुहरी दाहालले जानकारी दिनुभयो ।
कार्यक्रममा चर्चित हाँस्य कलाकार एवं समाजसेवी सीताराम कट्टेल ‘धुर्मुस’ले रंगशाला निर्माणमा रोटरीको सहभागिता रहने विश्वास व्यक्त गर्नुभयो ।
कार्यक्रममा वर्ष २०१८–१९ को वेष्ट रोटरीयन क्लबका सचिव नारायण अधिकारी तथा वेष्ट रोट¥याक्ट अवार्ड प्रकाश पाठकलाई प्रदान गरिएको छ ।
डिस्ट्रिक्ट ३२९२ मा यूवाहरुको क्लब भनेर चिनिने रोटरी क्लब अफ मातृभूमि बालुवाटारको पदस्थापन कार्यक्रममा वर्ष २०१८–१९ का प्रेसिडेन्ट विष्णुहरि दाहालले गंग प्रदान गर्दै वर्ष २०१९–२० का प्रेसिडेन्ट जयराम सिग्देललाई पदभार हस्तानतरण गर्नुभयो ।
