नमोबुद्ध संवाददाता :
काठमाडौं–युवा अभिनेता तथा लेखक जीवन थापा ‘क्षिजित’ अभिनित नयाँ म्युजिक भिडियो ‘नरमाइलो लाग्छ होला आज तिम्रो मनमा’ युट्युबमार्फत सार्वजनिक गरिएको छ ।
चर्चित गायक प्रमोद खरेलको स्वर रहेको उक्त भिडियो विन्दावासिनी म्युजिक प्रालिको ब्यानरमा युट्युबमार्फत सार्वजनिक गरिएको हो । यो भिडियोमा अभिनेता थापाका साथमा एलिना श्रेष्ठ र दीपेन्द्र कार्कीले अभिनय गर्नुभएको छ ।
गीतकार रमेश कोइरालाको शब्द तथा सङ्गीतकार रत्नबहादुरको सङ्गीत रहेको भिडियो युवा निर्देशक गणेश उपाध्यायकोे निर्देशन हो ।
गायक खरेलको ‘दिलदिल’ नामक एल्बममा समाविष्ट यो गीतको भिडियो केदार राईले छायाङ्कन गर्नुभएको हो । भिडियोमा अति मिलनसार गरिब परिवारका दाजुभाइका बीचमा एउटी केटीका कारण आएको मनमुटाबको कथा उधिनिएको छ ।
भिडियोसहित :
