भुम्लुमा स्थानिय फुटबलको महासंग्राम “प्रथम भुम्लु हिमालयन गोल्डकप २०७५” हुदै

नमोबुद्ध संवाददाता :

धुलिखेल–काभ्रेको कोसीपारी स्थीत भुम्लु गाउँपालिका ५ भुम्लुमा शनिबारदेखी वृहत फुटबल प्रतियोगिता हुदैछ । दशैं तिहारको अवसरमा स्थानिय भुम्लु हिमालयन युथ क्लबको आयोजनामा स्थानिय रंगशालामै असोज ३१ सम्म हुने प्रतियोगिता “प्रथम भुम्लु हिमालयन गोल्डकप २०७५” हो,जहाँ दर्जनौ संघसंस्था तथा क्लबहरु प्रतिस्पर्धामा उत्रनेछन् ।

जिल्लाका स्थानिय तहमा हुने प्रतियोगिता अन्र्तगत यो सर्बाधिक पुरस्कार राशी भएको प्रतियोगिता मानिएको छ । प्रथम हुने टिमले नगद एक लाखका साथै कप,दृतिय हुने टिमले नगद ५० हजार, साथै कप,मेडल,प्रमाण्पत्र लगायतको व्यवस्था पनि मिलाईएको छ । खेलमार्फत सकारात्मक स्वास्थ्य सन्देश प्रवाह गर्नु,युवा प्रतिभाको प्रस्फुटन गरी देशको पहिचान उचो बनाउनु तथा स्थानिय पर्यटन प्रवद्र्धनको उद्धेश्य लिएर प्रतियोगिता आयोजना गरिएको आयोजकले जनाएको छ ।

शनिबार मध्यान्न सुरु हुने प्रतियोगिताको सम्पुर्ण तयारी सकिएको प्रतियोगिताको सहजिकरणमा रहनुभएका तुलशीमान तामाङले जानकारी दिनुभयो । उहाँका अनुसार शनिबार उद्घाटन खेलको रुपमा दुई खेल हुनेछन् । आईतबारदेखी तीन तीन खेल हुनेछन् ।