- नमोबुद्ध संवाददाता,,,
चौतारा,०२ जेठ :
भूकम्पपछि ध्वस्त सिन्धुपाल्चोक जिल्लाको कारगार बुधबारदेखि सञ्चालनमा आएको छ ।
सिन्धुपाल्चोक कारागारका प्रमुख नवराज सेनले भूकम्पबाट क्षति पुगेको कारागार अस्थाई रुपमा सञ्चालनमा ल्याएको जानकारी दिनुभयो ।
जिल्ला सुरक्षा समितिको बैठक बसेर अपौचारिक रुपमा कारगारमा कैदी बन्दीहरु राखिएको सेनले बताउनुभयो ।
जिल्ला प्रहरी कार्यालयको पुर्पक्ष कक्षमा राखिएका २८ जना कैदीहरुलाई बुधबार कारगारमा स्थानान्तरण गरिएको छ ।
१ सय १५ जना क्षमता रहेको कारगारमा केन्द्रीय कारगारबाट विभिन्न मुद्दामा कैद भुक्तान गरिरहेका १ सय ५० जना सम्म कैदी बन्दीहरुलाई सिन्धुपाल्चोक कारगारमा राखिदैछ ।
भूकम्पमा कारगार भत्केपछि त्यहाँ रहेका २ सय १६ कैदी–बन्दीहरु भागेका थिए ।
भूकम्पलगतै विभिन्न मितिमा १ सय १८ जना कैदी बन्दीहरु प्रशासनको सम्र्पकमा आए पनि अन्य कैदीहरु अझै फरार छन् ।
