- नमोबुद्ध संवाददाता
बनेपा,२२ पुस ः काभ्रेको बनेपा–१० पुलबजारमा शनिबार ट्रिपरको ठक्करबाट एक युवतीको घटनास्थलमै मृत्यु भएको छ ।
बा ५५ ख ३७३२ नम्बरको स्कुटरलाई बा ४ ख ४६३९ नम्बरको ट्रिपरले ठक्कर दिदा स्कुटरको पछाडि सवार कंचनपुर सुक्लाफाट–८ की बिमला कुमारी ठगुन्नाको ज्यान गएको हो ।
इलाका प्रहरी कार्यालय बनेपाका प्रहरी इन्चार्ज सुनिलजंग मल्लका अनुसार ठगुन्ना आफ्नो कामको शिलशिलामा धुलिखेलमा रहेको काठमाण्डौँ विश्वविद्यालयतर्फ आउदै हुुनुहुन्थ्यो ।
ट्रिफर चालक नुवाकोटका ३२ वर्षिय काले तामाङलाई नियन्त्रणमा लिई आवश्यक अनुसन्धान गरिरहेको प्रहरी इन्चार्ज मल्ले जानकारी दिनुभयो ।
