चलचित्र” द लास्ट किस” शुक्रबार देखि अल नेपाल रिलीज (भिडिओ सहित)

युवराज खत्रीको निर्माण र लेखन रहेको नेपाली चलचित्र ” द लास्ट किस” नामक चलचित्र शुक्रबार देखि अल नेपाल रिलीज हुने भएको छ। निर्देशक बीबी फुयाल को निर्देशनमा बनेको चलचित्रको नाम “द लास्ट किस” भए पनि यसमा त्यस खाले दृश्य नभएको दाबी निर्देशक फुयाल ले गरेका छन्।
‘यो खालि एउटा वोमन बेस चलचित्र हो, जसमा नारी संवेदना र नारीले पनि केही गर्न सक्छन् भन्ने कुरा उठाएका छौं। यो चलचित्रको ट्रेलरलाई जसरी मूल्यांकन गरिएको छ त्यो गलत भएको बताउदै, यो एउटा रिभेन्ज सिनेमा भएको र बाच्नका लागि लोग्ने मान्छेले जे गर्नु पर्छ, त्यो सब एउटा महिलाले पनि गर्न सक्छ भन्ने देखाउन खोजिएको बताएका छन् । फिल्म चलाउनलाई अनावश्यक ग्ल्यामर राखेको भन्ने भनाइ को प्रतिबाद गर्दै श्रीमान्श्रीमतीबीच हुने कुरा सम्मलाई राखेको बताएका छन् । चलचित्रमा शोभिता सिंखडाका साथमा नया प्रस्तुतिका रूपमा पुष्करजंग थापा प्रस्तुत भएका छन्। त्यसै गरी चलचित्रका अन्य कलाकारमा सुरेश चौधरी, उद्धव थापा, स्मीता थपलिया, सिर्जना राई, अनुसा राई, किरण्ँ बराल र सुमन राई रहेका छन्।