काठमाडौं–नेपाली लोक संगीत क्षेत्रमा नयाँ कोसेली ‘ढलेको वर’ बोलको गीत म्यूजिक भिडियो सहित सार्वजनिक भएको छ ।
यूट्युब च्यानल परिचित टीभीबाट सार्वजनिक भएको यो सिर्जना युवा कलाकार सन्दिप वाग्लेको शव्द रचना हो । वाग्लेकै लयमा लोकप्रिय गायिका शान्तिश्री परियार र गोपाल नेपाल जिएमले स्वर दिनुभएको छ ।
यसमा प्रेम वियोगको पिडालाई मर्मस्पर्शी ढंगले प्रश्तुत गरिएको छ । भिडियोमा वाग्लेका साथै मनोज दवाडी र रितु ढकालको अभिनय देख्न सकिन्छ ।
नारायण मगरको निर्देशन रहेको गीतको भिडियो मुकेश हुमागाईं र उहाँको टिमले छायांकन गर्नुभएको हो भने निर्देशक मगर स्वयंले सम्पादन गर्नुभएको हो ।
यो गीतबाट स्रोता दर्शकको थप माया प्राप्त गर्ने कलाकार वाग्लेको विश्वास छ । ‘ढलेको वर’ सिर्जनाले आफूलाई अझ स्थापीत गर्ने उहाँको आशा छ ।
एक दशक यता सांगीतिक क्षेत्रमा संघर्षरत वाग्लेको शब्द रचना तथा लय(संगीत)मा यसअघि पनि केही गीत बजारमा आइसकेका छन् ।
भिडियो हेर्नुहोस् :
