-
नमोबुद्ध संवाददाता,
धुलिखेल-तामाङ सेलो ‘आङिला जामे २’ सगुन मिडियाको युट्युब च्यानलमार्फत शनिबार सार्वजनिक भएको छ ।
यसअघि रिजन थिङ र जितु लोप्चनको आवाजमा ‘आङिला जामे’ को पहिलो संस्करण बजार ल्याईसकेको यो टिमको यो पटकको ‘आङिला जामे २’ मा मोडल स्वेता गोले समावेश हुनुभएको छ ।
पछिल्लो समय आफ्नो नृत्यकलामार्फत स्टेज-शोहरुमा समेत छुट्टै पहिचान बनाउन सफल स्वेतालाई यो भिडियोमा फिचरांकन गराईएको हो । जहाँ स्वेताको शसक्त अभिनय रहेको छ भने यसमा उहाँलाई राज थिङको साथ छ ।
माया प्रेमभाव समेटिएको यो गीत अर्पण लामा र सृजना तामाङको युगल गायन हो । गायक स्वयं अर्पणको शव्द रचना यो गीत रिजन थिङको संगीत र जोगलाल तामाङको एरेन्जमा तयार भएको हो ।
अमिर दोङ निर्देशित भिडियो बज्र ङेसुरले छायांकन गर्नुभएको हो भने कोरियोग्राफी युद्ध लामाको छ । भिडियो मनोरञ्जनपूर्ण बनेको छ भने स्थानीय ग्रामीण क्षेत्रका रमणीय दृश्यहरु देख्न सकिन्छ ।
