-
नमोबुद्ध संवाददाता,
काठमाडौं– भोईस आफ नेपालको उत्कृष्ट १३ मा पर्न सफल गायक पृथ्वी खनालले तिनै रियालिटि शोको उत्कृष्ट ८ सम्म पुग्न सफल मेचु धिमाललाई साथमा लिएर नयाँ गीत ‘मलमल कुर्तावाली’ दर्शकस्रोतमाझ पस्किनुभएको छ ।
गायन रियालिटि शो भोईस अफ नेपालबाट चर्चामा आएका पृथ्वी र मेचुको संयुक्त आवाज रहेको यो पहिलो गीत हो । आवाज मात्रै हैन यो गीतको भिडियोमा यो जोडीको अभिनय समेत हेर्न सकिन्छ ।
ग्रिष्मा भट्ट र गिरिस भट्ट को निर्माणमा बनेको गीतको शब्द लेखन सहयात्री, संगीत करण राज कार्की, एरेन्ज देवेश राई, मिक्सिङ र मास्टरिङ किशोर थापा, रेकर्डिष्ट राजेश श्रेष्ठ, स्टुडियो म्युजिसियन ए वन, श्रृङ्गार दिपसन परियार, ड्रोन अभिनाष मानन्धर, छायांकन अनिल के मानन्धर, सम्पादन र कलर मनोज कार्कि, कथा पृथ्वी खनाल र कोरियोग्राफि र निर्देशन मौसम हिमालीको रहेको छ ।
गायक पृथ्वी खनाल स्वयंको युट्यूव च्यानलबाट सार्वजनिक भिडियोमा मेचु र पृथ्वीका साथै सन्तोष पाण्डेलाई पनि फिचरांकन गरिएको छ ।
