नेपालः ७२ वर्षिय पुरुषसहित कोरोना संक्रमितको संख्या ४५ पुग्यो

• नमोबुद्ध संवाददाता

काठमाडौं–नेपालमा कोरोना संक्रमणदर बढिरहेको छ । पछिल्लो नेपालमा कोरोना संक्रमितको संख्या ४५ पुगेको स्वास्थ्य तथा जनसंख्या मन्त्रालयले जनाएको छ । मंगलबार बेलुकासम्ममा कोरोना संक्रमितको संख्या ४२ जना रहेको थियो ।

मन्त्रालयका अनुसार आज कोरोना संक्रमण पुष्टि भएकाहरु २४, ६०, ७२ वर्षिय पुरुषहरु रहेका छन् ।उनीहरुको बुधबार धरानस्थित विपी कोइराला मेमोरियल अस्पतालमा गरिएको नमुनाको पिसिआर परिक्षणमा पोजिटिभ आएपछि पुष्टि भएको हो । उनीहरु क्वारेन्टाइनमा रहेको र अस्पतालमा ल्याउने तयारी रहेको छ ।

यो संगै नेपालमा कोरोना संक्रमितको संख्या ४५ पुगेको स्वास्थ्य तथा जनसंख्या मन्त्रालयका प्रवत्ता डा.विकास देवकोटाले नियमित प्रुस ब्रिफिङमार्फत जानकारी दिनुभएको हो । कुल संक्रमितमध्ये ७ जनाको उपचारपश्चात निको भएर घर फर्किसकेका छन् । बाँकी ३५ जनाको विभिन्न अस्पतालमा उपचार भइरहेका छन् ।

नोभल कोरोना भाइरसविरुद्ध सचेतना