- नमोबुद्ध संवाददाता
काठमाण्डौं–कवि हेनसेन याक्खाद्वारा रचित गीत ‘तिमी डुब्यौ कि मेरो प्रेममा’ म्युजिक भिडियो सहित सार्वजनिक गरिएको छ ।
यो गीतको भिडियो हालै बुढासुब्बा डिजिटल प्रालिको युट्युव च्यानल लगायत विभिन्न सञ्चारमाध्यमबाट सार्जजनिक गरिएको हो ।
गायिका अञ्जु पन्त र गायक उत्तमजङ्ग लिम्बू लावतीको स्वरमा रेकर्ड गरिएको ‘तिमी डुब्यौ कि मेरो प्रेममा’ गीतमा उत्तमजङ्गकै सङ्गीत रहेको छ जसलाई भिडियोमा उतार्नुभएको निर्देशक देउकृष्ण देवान याक्खाले ।
भिडियोमा आयुषा लिम्बुखिम र तिलक खत्रीले मोडलिङ गर्नुभएको छ । यसको छायाँकन शिरकुमार साम्पाङ राईले गर्नुभएको हो ।
पछिल्लो समय म्युजिक भिडियो निर्देशनमा व्यस्त निर्देशक देउकृष्णले हेनसेन याक्खाको गीतको भावलाई भिडियोमा कुशलतापूर्वक कलात्मक शैलीमा प्रस्तुत गर्नुभएको छ ।
भिडियो हेर्नुहोस् :
