- नमोबुद्ध संवाददाता
काठमाण्डौँ–गरिबीको रेखामुनि अभावको जिन्दगी जिउन विवश परिवारको कथामा आधारित नेपाली चलचित्र ‘गरिबी’ युट्युबमा सार्वजनिक भएको छ । हालै युटुबमा अपलोड गरिएको यस चलचित्रले छोटो समयमै दर्शकको माया पाउन थालेको निर्देशक उमेश कार्कीले बताउनुभयो । चलचित्र हेर्ने दर्शकको संख्या बढिरहेको भन्दै निर्देशक कार्कीले दर्शकहरुप्रति आभार प्रकट गर्दै खुसी व्यक्त गर्नुभयो । 
स्वयम् कार्कीकै लेखन रहेको यस चलचित्रमा सुरवीर पण्डित, शीतल केसी, सन्तोष केसी, उमेश कार्की, दीपा मगर, प्रजिना पन्त, निर्मला श्रेष्ठ, दिलिप हमाल लगायतका कलाकारको अभिनय रहेको छ ।
मनोज राईको छायाङ्कन रहेको चलचित्र ‘गरिबी’ दिवाज् फिल्मस्को ब्यानरमा निर्माण भएको हो । चलचित्रको निर्माता दीपा र प्रजिना हुनुहुन्छ ।
हेर्नुहोस् :
