नमोबुद्ध संवाददाता :
ललितपुर– मनाङ मस्र्याङ्दी क्लब ए डिभिजन लिगको सबै खेल जित्ने अवसरबाट बञ्चित भएको छ । लिग च्याम्पियन मनाङ अन्तिम खेलमा अप्रत्यासित हार व्यहोरेसँगै यो स्थितीमा पुगेको हो । दुई खेल अघि नै लिगको उपाधि पक्का गरेको मनाङ मंगलबार फ्रेण्ड्स क्लबसँग १–० गोल अन्तरले पराजित भएको हो ।
एन्फा कम्प्लेक्स सातदोबाटोमा पाएको मौका सदुपयोग गर्न नसक्दा मनाङले फ्रेन्ड्ससंग अप्रत्यासित हार व्यहोर्यो । फ्रेन्ड्सको जितमा विकास लामाले निर्णायक गोल गर्नुभयो । निर्धारित ९० मिनेट गोलरहित बराबरीमा सकिएको खेलको इन्जुरी समयमा विकासले हेड गोल गर्दै फ्रेन्ड्सलाई जित दिलाउनुभयो । अघिल्ला १३ खेलमा लगातार जित निकालेको मनाङ अन्तिम खेलमा भने पराजित भएको हो ।
यस्तै आज भएको खेलमा ए डिभिजन लिगमा ब्रिगेड ब्वाईज र एनआरटीले गोलरहित बराबरी खेलेका छन् ।
