- नमोबुद्ध संवाददात
धनगढी,२१ चैत :
धनगढी प्रिमियर लिग (डिपिएल)मा विराटनगर किङ्स विजयी भएको छ । उसले पहिलो जित दर्ता गरेको हो । राष्ट्रिय टिमका कप्तान समेत रहनुभएका पारस खड्का नेतृत्वको विराटनगर किङ्सले बुधबार भएको खेलमा रुपन्देही च्यालेन्जर्सलाई ४२ रनले पराजित गरेको हो ।
रुपन्देहीले लगातार तेस्रो हार ब्यहोरेसँगै प्लेअफमा पुग्ने उसको सम्भावना लगभग समाप्त भएको छ । धनगढीको संघीय इकाई प्रहरीको मैदानमा टस हारेर ब्याटिङको निम्तो पाएको विराटनगरले २० ओभरमा ४ विकेट गुमाउँदै १ सय ८१ रन बनायो । बलियो सुरुवात गरेको विराटनगरले पहिलो विकेटका लागि ४५ रनको साझेदारी गरेको थियो ।
