- नमोबुद्ध संवाददाता
बनेपा,०५ चैत :
काभ्रेमा ह्वीलचियर वास्केटवल प्रतियोगिता हुने भएको छ । मेरुदण्ड पक्षघात भई ह्वीलचियर प्रयोग गर्ने व्यक्तिहरुले स्थापना गरेको नेपाल स्पाईनल कर्ड इन्जरी खेलकुद संघ (NSCISA) काठमाण्डौंको आयोजना तथा काभ्रे जिल्ला अपांगता संघसंस्था समन्वय समिति काभ्रेको सहकार्यत्रमा प्रतियोगित हुन लागेको हो ।
चैत ६ गते मंगलबार हुने प्रतियोगितामा पुर्वमेचीदेखी पश्चिम महाकालीसम्मका ३५ वर्ष नाघेका ह्वीलचियर खेलाडीहरु सहभागि हुने कार्यक्रम संयोजक ऋषिराम ढकालले जानकारी दिनुभयो । ज्ञानकुञ्ज उच्च मावि परिषर बनेपामा विहान ९ बजे उद्घाटन गर्ने प्रतियोगितापुर्व विहान साँढे ८ बजे बनेपा तीनदोबाटोबाट ज्ञानकुञ्ज उच्च माविसम्म र्याली समेत हुने उहाँले बताउनुभयो ।
“हामी सक्छौं”भन्ने भावनाको जागृत गराउन यो प्रतियोगिता निकै गतिलो उदाहरण हुने विश्वास व्यक्त गर्दै स्थानिय संयोजक राजेन्द्र ढकालले यो उत्साहमा सरिक हुन खेलप्रेमी सम्पुर्ण महानुभावहरुमा अनुरोध गर्नुभयो ।
