- नमोबुद्ध संवाददाता
धुलिखेल,०५ चैत :
आगामी चैत्र ८ गतेदेखि हुने माध्यमिक शिक्षा परीक्षा एसईईको सम्पुर्ण तयारी पुरा भएको छ । परीक्षामा खटिने कर्मचारी व्यवस्थापनसंगै आवश्यक सबै सामाग्री परीक्षा केन्द्रमा पु¥याइसकेको परीक्षा नियन्त्रण कार्यालयले जनाएको छ ।
यस बर्षको एसईई परिक्षामा ४ लाख ८५ हजार ५ सय ८६ जना परीक्षार्थी सामेल हुने भएका छन् । साधारण तर्फ ४ लाख ५२ हजार ७ सय ८१ र प्राविधिकतर्फ ८ हजार ७ सय ३४ जना सहभागि हुने छन् । परीक्षामा एक्जाम्टेडमा साधारण धारका २४ हजार ५१, २० जना प्राविधिकतर्फका विद्यार्थी सहभागि हुने बताइएको छ ।
परीक्षामा १हजार ९ सय ५६ केन्द्र तोकिएका छन् । दुईहजार ४ सय ५० सहायक केन्द्राध्यक्ष रहनेछन् । त्यसैगरी २० हजार ३ सय ४० निरीक्षक र १० हजार ६ सय ७६ सहयोगी, २९ हजार ३ सय ४० सुरक्षाकर्मी खटाइने छ ।
परीक्षामा सबै गरी ६४ हजार ७ सय ६२ जनाकर्मचारी खटिने भएका छन् ।
