- सेम्ह्रो फूलमान मोक्तान
ईन्द्रावती,सिन्धुपाल्चोक,०७ फागुन :
इन्द्रावती गाउँपालिका वडा नम्बर ४ स्थीत श्री नवलपुर माध्यमिक विद्यालयले आफ्नो ६९ औ बार्षिक उत्सव मनाएको छ । शनिबार विद्यालयको प्राङ्गणमा इन्द्रावती गाउपालिकाका अध्यक्ष बङशलाल तामाङ को प्रमुख अतिथ्यतामा सो क्षेत्रकै एक्लो सामुदायिक माध्यमिक विद्यालयले साँस्कृतिक कार्यक्रमका साथ आफ्नो बर्षगाँठ मनाएको हो ।
कार्यक्रममा विद्यालयले हिजो गरेका शैक्षिक गतिविधिको समिक्षा हुनुका साथै सामुदायिक विद्यालयलाई स्थानियको परिपुरक बनाउनुपर्नेमा जोड दिइएको छ । विद्यालय ब्यबस्थापन समितीका अध्यक्ष फुर्पा तामाङले ग्रामिण क्षेत्रमा शैक्षिक चेतनाको विकासमा विद्यालय अनवरत लागिपर्ने प्रतिवद्धता जनाउनुभयो ।
नेपाल रेडक्रस सोसाईटी सिन्धुपाल्चोक जिल्ला शाखाका अध्यक्ष राजेन्द्रमान ताल्चाभडेलले विद्यार्थीहरुमा रचनात्मक तथा सिर्जनात्मक क्षेमताको विकास तथा उनिहरुलाई समुदायप्रति जिम्मेवार बनाउन रेडक्रस सहकार्य गर्न तयार रहेको उल्लेख गर्नुभयो ।
कार्यक्रममा वडाध्यक्ष जगतमान ताल्चाभडेल, वडा सदस्यहरुका साथै शिक्षण पेसामा आवद्ध शिक्षकहरुको पनि उपस्थिती थियो । साथै नवलपुर युनाइटेड क्लबद्वरा संचालित तेक्वान्दो तालिम प्रशिक्षणमा सहभागी खेलाडीहरुले तेक्वान्दो डेमोशेसन प्रस्तुत गरेका थिए ।
