‘चौथो तामाङ ज्ञान महोत्सव’ सुरु (फोटो फिचरसहित हेर्नुहोस्)

• नमोबुद्ध संवाददाता :

काठमाडौं–आधुनिक प्रविधिको विकाससँगै आयातित ज्ञानले जरो गाड्नै लाग्दा मौलिक ज्ञान संस्कृतिको बचाउ र विस्तारका लागि “चौथो तामाङ ज्ञान महोत्सव” भकृटिमण्डपमा शुक्रबार सुरु भएको छ । महोत्सवको पूर्व कानुनमन्त्री प्रतिनिधिसभा सदस्य शेर बहादुर तामाङले उद्घाटन गर्नुभयो ।

प्रकृतिपुजक तामाङ समुदायको बोन संस्कृति र अहिलेको धार्मिक आस्थाभित्र अनेक ज्ञान पद्धत्तिहरु रहेको उल्लेख गर्दै त्यसलाई बचाउन र तिनको प्रवद्र्धनमा लाग्नु सह्रानिय रहेको उहाँले बताउनुभयो ।

उहाँले भन्नुभयो–“आज अन्धविश्वास भनियो,हिजो डाक्टर नहुदा,तिनको भुमिका बोन्बो झाँक्रीले निभाउँथे,निको पनि हुन्थ्यो,तिनको अध्ययन अनुसन्धान आवश्यक छ,यि ज्ञानहरु संरक्षण गर्न आवश्यक छ । ”

शनिबारसम्म चल्ने ज्ञान महोत्सवको पहिलो दिन विभिन्न ५ वटा कार्यपत्रमाथि छलफल गरिएको छ ।

शुक्रबार तामाङ भाषाको मानकिकरण एवम् व्याकरण,शब्दको भाव र यिनको प्रयोग,प्रविधिमा भाषा प्रयोग,तामाङ चलचित्र र भाषा तथा रेडियोमा तामाङ भाषा ज्ञान विषयमा क्रमश नेपाल सरकारका पूर्व सचिव धन बहादुर तामाङ,डाक्टर लक्ष्मी तामाङ,डाक्टर बालकृष्ण वल,आदिवासी चलचित्रकर्मी सञ्जोग लाफामगर र सञ्चारकर्मी बुद्ध योञ्जनद्धारा प्रस्तुत कार्यपत्रमाथि छलफल चलेको हो । 

तामाङ न्हाङखोर,तामाङ डाजाङ,नाङसाल क्लव नेपाल,ताम्बा संघ नेपाल,कर्तव्य फाउण्डेशन लगायतका संस्थाहरुद्धारा आयोजित महोत्सव अन्तरगत पहिलो दिन छलफल सेसन पनि चल्यो ।

“म लोकसेवाको असमावेशी विज्ञापनको पक्षमा हैन ।”

तामाङ समुदायको मौलिक ज्ञान पुस्तान्तरण गर्नका साथै राजनीतिक आस्थाले विभाजित समुदायका अगुवालाई एक ठाउँमा उभ्याई अर्थपुर्ण छलफलका लागि साझा मञ्च तयार पार्ने शिलशिलामा तामाङ पहिचान दिवसको अवसरमा यो कार्यक्रम आयोजना गरिएको आयोजक तामाङ डाजाङले जनायो ।