성실근로 후 귀국한 외국인근로자
इमान्दार श्रम पछि स्वदेश फर्केका विदेशी कामदारहरू
재입국 취업 제도 시행
पुनः कोरिया प्रवेश गरि काम गर्न सक्ने प्रणाली लागु हुने ।
२००७/२देखि कोरियामा काम गर्ने समय (४ बर्ष १० महिना) भरि इमान्दार श्रमिकको रूपमा कम्पनि परिवर्तन नगरि काम गरेर समयावधि सकि स्वदेश फर्केका श्रमिकहरू तीन महिना पछि पुनः कोरिया प्रवेश गरि ४वर्ष १० महिना काम गर्न सक्ने बाटो खुल्ने ।
* कंपनिको प्रकार तथा कंपनिको क्षमताः कृषि तथा पशुजन्य उद्योग, मत्स्यपालन, ३०जना भन्दा कम कामदार(मुल उद्योग ५०जना भन्दा कम) भएका उत्पादन मूलक कंपनि ।
यो प्रणाली इपिएस प्रणालीमा आवद्ध भएका सबै देश(१५देश)का श्रमिक(इ-९)मा लागु हुने, वर्तमान ४बर्ष १० महिना पूरा भएका मात्र नभइ अगिल्लो नियम अनुसार ६बर्ष पूरा हुने श्रमिकको हकमा पनि लागु हुने ।
*६बर्ष पूरा हुनेः २००९को १२महिना, काम गरेको समय ४ वर्ष १० महिना(३बर्ष र १बर्ष १० महिना) को नियम लागु हुनु पूर्वको नियम (३ वर्ष काम र १ महिना कोरिया छोड्ने र पुनः कोरिया प्रवेश गरि ३ वर्ष काम गर्ने) अनुसार, ३वर्ष कार्यकाल सकि १महिना कोरिया छोडेर पुनः कोरिया प्रवेश गरि ३बर्ष काम गरिरहेका विदेशी कामदारहरू ।
विदेशी कामदारले यो प्रणालीमा आवद्ध हुन तलका सबै अवस्थाहरू परिपालन गर्नुपर्नेछ ।
पहिलो, कोरियामा काम गरेको समय (४बर्ष १० महिना वा ६बर्ष) सम्म कंपनि परिवर्तन नगरि एकै कंपनिमा काम गरेको हुनु पर्नेछ । पुनश्चः कंपनि स्थगन वा पूर्ण रूपले बन्द इत्यादि जस्ता आफ्नो अधिन भन्दा बाहिरका कारण कंपनि परिवर्तन गरेको खण्डमा कंपनिसँग श्रम सम्झौता भएको समय १बर्ष भन्दा बढि हुनु पर्नेछ ।
दोश्रो, कृषि तथा पशुजन्य उद्योग, माछापालन जस्ता कंपनि वा ३०जना भन्दा कम श्रमिक भएका उत्पादनमूलक कंपनिमा काम गरिरहेको हुनु पर्नेछ । उत्पादनमुलक कंपनि मध्ये ‘मुख्य कंपनिको विकाश विस्तार वा हाइ टेक अनुबन्धित नियम’ अनुसार मुख्य कंपनिका हकमा ५०जनाभन्दा कम श्रमिकसम्म सम्भव हुनेछ ।
तेश्रोः काम अवधि (४वर्ष १० महिना वा ६वर्ष) पूरा हुने दिन परिमार्जित प्रणाली लागु भएको दिन(७/२) पछि हुनुपर्नेछ ।
यो प्रणालीबाट लाभ लिने ब्यक्ति, माथिको शर्तको अधिनमा रहेका विदेशी कामदारले काम अवधि सकिने १महिना अगाडिदेखि ७दिन अगाडिको समय बीचमा सम्बन्धित श्रम कार्यालयमा श्रम स्विकृतिका लागि निवेदन दिन सक्ने छ ।
यस बखत लाभ लिने विदेशी कामदारले पुनः कोरिया प्रवेश गरि श्रम शुरू गर्ने दिनदेखि आउदो एक वर्षभन्दा वढीको श्रम सम्झौता(कंपनिसँग) गर्नुपर्ने, र सो सम्झौताको प्रतिलिपि निवेदनका साथ पेश गर्नुपर्ने छ ।
यो प्रणालीमा आवद्ध हुने विदेशीकामदारले पुनः कोरिया फर्कि काम गर्नेका लागि कोरियन भाषा परिक्षा दिइ रहनु नपर्ने तथा कोरिया प्रवेश गर्दा वा गरेपछि काम बारेको प्रशिक्षण पनि लिनु नपर्ने । ३महिना पछि पुनः कोरिया फर्कि पुरानै कंपनिमा काम गर्न पाउनेछ ।
रोजगारदाताले स्वदेशी कामदार खोज्ने झंझट गर्न नपर्ने तथा कंपनिको आवश्यकता अनुसारको नयाँ श्रमिक थप्न पाउने सीमाभित्र नपर्ने भइ पुनः फर्कने कामदार सोझै प्रयोग गर्न सक्नेछ । ( कंपनिको वास्तविक विदेशी कामदार प्रयोग कोटामा भने सीमीतता हुने)
यसैविच, कंपनि परिवर्तन जस्ता कारणले यो प्रणालीमा आवद्ध हुन नपाउने विदेशी कामदारको हकमा भने विशेष कोरियन भाषा परिक्षा लागु गरि कोरिया छोडेको ६महिना पछि पुनः फर्कि काम गर्न पाउन सक्ने मौका दिइएको छ ।
विशेष कोरियन भाषा परिक्षामा घर फर्केकाहरूले मात्र भाग लिन पाउने छन् भने लागु भएका देशमा वर्षमा ४पटक( तीन तीन महिनामा) विशेष कोरियन भाषा परिक्षा प्रणाली लागु गरिनेछ ।
वर्तमानमा भियतनाम, थाइल्याण्ड, इन्डोनेसिया तथा पाकिस्तानमा विशेष कोरियन भाषा प्रणाली लागु भैरहेको छ भने यो वर्षको तीन चौथाइ अर्थात ९-१० औ महिनासम्ममा उजवेकिस्तान, फिलिपिन, बंगलादेश, कम्बोडिया, मंगोलिया, नेपाल आदिमा विस्तार गर्ने लक्ष रहेको छ । (बाँकी देशमा पनि सम्भब भएसम्म छिटो लागु गर्ने योजना रहको)
पुनश्चः गैर कानुनी बसोबास गरेको कुनै प्रमाण भएका विदेशी कामदारका लागि कुनै मौका नदिइने भएकाले निश्चित रूपमा तोकिएको समयभित्र कोरिया छोड्नु पर्नेछ ।
भाषा अनुवादः
लोकनाथ खरेल, केन्द्रिय सदस्य एन आर एन कोरिया ।
हालः- कोरियन भाषा, पि. एच. डि. स्कलर, इन्जे युनिभर्सिटि, किम्हे ।
